Split Ac Gas Charging | R - 410 R - 32 And R - 22 Easy Steps - हिंदी

Split Ac Gas Charging - voltasDaikinBlue StarLloydO'genrel and any type split ac gas charging Step By Step in ( Hinglish ) Hindi

Aaj Ham Sikhenge ki AC 

"Air  Conditioner" 

me gas Charging Kaise kare 


Me apko 90% guarantee deta hu ki is post ko padhne ke baad aap kisi bhi AC me gas kaise charge kar sakte hai uske bare main apko knowledge ho jaegi main 100% islie nhi kehna chahta hun kiunki aap bina kisi guru
 jo ki apne kaam me expert hai unke under me rahe bina aap koi bhi kaam bilkul sahi tarike se nahi kar sakte aap ko expert's ke sath reh kar hi ye kaam karna chahie par main is baat ki guarantee leta hun ki is post ko padhne ke baad apko acchi tarah malum ho jaega ki gas filling ke kiya process hai chahe wo kisi bhi company ka ho ya kitne bhi Ton ka ho -



1. Step - 
kisi bhi split AC main Gas Refilling karne se pahle hame ye janna bahut hi jaruri hai ki jis AC main ham Gas Charge karna chahte hai usme Gas Konsi Hai - Ye janne ke lie main apko 2 tarike bataunga

Split Ac Gas Charging


    • Pehla ye hai ki AC ke Outdoor pe lage sticker ( lebel ) ki madad se - Ab jitne bhi AC bante hai unme har ek pe ek sticker laga hota hai jispe AC ke bare main kuch Details Mention hoti hai jaise ki
    • Model Number 
    • Serial Number
    • Gas Name
    • Gas weight
    • Current
    • Input



    • Dusra tarika tabhi kaam karega jab AC main kuch Gas bacha ho kiunki gas jyadatar case main dhire dhire hi leak hoti hai. use cheak karne ke lie apko apne ac ke side panel kholna hoga jis taraf apko charging line lagani hai ab usme apko dekhna hoga ki suction wall konsi hai kiunki Gas Charging ham suction wall se hi kar sakte hai ( suction wall hamesa discharge wall se moti hoti hai ye wall kabhi niche ya upar ho sakti hai ) charging line lagane ke bad apko apne gauge meter main dekhna hai ki ac main bacha gas ka stand pressure kitna hai ise apko ac off karke check karna hota hai agar stand pressure 200 - 250 ke bich ho to ye gas R32 ya fir R410 hoga kunki in dono gas ka pressures equal hota hai. Agar pressure 100 - 150 ke bich ho to R22 ho sakta hai

    Ye tarika hamesa kaam nahi karta hai so please aap achche se verify karle ki is AC main kounsi Gas dalegi aur main is tarike ko karne ke lie refer nahi karta hun

    2. Step ab hame pata chal chuka hai ki ham jis AC main Gas dalna chahte hai usme konsi Gas hai.


    Ab ham Gas filling ki process ko janenge -

     3. Step - Sabse pahle hame AC ke Outdoor pe charging line lagana hai aur dekhna hai ki ac main abhi gas bachi hai ya nahi agar hai to thik hai nahi to ham usme thodi Nitrogen dalenge kiunki nitrogen ka presure high hota hai jisse ham Asani se Leak dundh sakte hai

     4. Step - Ab hame leak dundh ke repair kar dena hai 

    5. Step - Uske bad hame AC ko Vacuum pe laga dena hai kam se kam 40 minute tak proper vacuum karna hai

     6. Step - Ab hame gas dalna hai gas dalne ke lie apko pehle gauge meter band kar dena hai yaha tak ka process sabhi split ac main same hi rahega ab aage jo main batane ja raha hun wo alag alag gaso ke alag alag tarike hai.

     7. Step - ab vacuum khol ke gas ka silender laga dena hai outdoor ke sticker pe R32 likha hai to R32 Gas ka hi silendar lagana hai  

     8. Step - Silender lagane ke bad hame silendar ko ulta kar dena hai. Ulta kar dene se hamre Refrigerant system main sirf liquid hi jaegi agar ham silender ko sidha rakh kar gas dalenge to hamre refrigerant system me sirf wapor gas hi jaegi jisse  AC main bahut si problem aa sakti hai jiase - cooling kam hona, Ampere jyada lena, compressor tripping etc.

    9. Step - Ab hame gauge meter se silender wali line ko halka sa liz (kholna) hai jisse hamre line main gya air bahar nikal sake kiun air agar refrigerant system main chale gya to system thik se kaam nahi karega


     10. Step - Ab dhire se hame gauge ke wall ko kholna hai aur meter ke sui ko 150psi pe rakhna hai aur wait karna hai jab sui 220psi pe chale jae to hame gage ko band kar dena hai ab AC ko chalu kar dena hai


    Ab Ac ke outdoor chalne ka intezaar karna hai outdoor chalne main 3 minute ka time lagta hai


     11. Step - Outdoor chalte hi hame gage meter main dekhna hai ki back pressure kitna hai pehle to gage ki sui pehle down hogi uske bad up hogi upar hone main thoda time lagega hame intezar karna hai jabtak hame ampere meter laga ke rakhna hai aur meter ki reading dekhte rehna hai reading outdoor ke sticker pe likhe ampere se niche honi chahie (running main)


     12. Step - (R-32) Ab back pressure dekhe agar back pressure 130 - 150 hai to thik haai nahi to aap dhire dhire se gas badhani hai thoda sa badhae aur wait kare hame jaldi main kuch nahi karna agar aap aisa karte hai to problem ho sakti hai


    Ab apko gas aur ampere dekhni hai agar ye outdoor pe lagi stickers pe mention details ke hisab se hai to sab kuch thik hai - Now Chek COOLING
    Agar Aapne ise dhyan se padha hai aur samjha hai to aap Successfully Gas Changing karna sikh chuke hai

    0/Post a Comment/Comments

    हमे Comment कर के Motivate करें

    Previous Post Next Post